Suoma árvosaš dagut

Puoluekokous2018 2 yläkuva iso 7.jpg
Keskusta.fi / Lappi / Suomeksi / Eduskuntavaalit 2019 / Suoma árvosaš dagut

 

Suoma árvosaš dagut

 

Suopma galgá leat riika, mas doaivva, boahttevuhtii jáhkku ja luottamuš leat nánnoseabbot go ballu, ovdagáttut ja vuostálágaid bidjan.

Guovddáš háliida sihkkarastit olles Supmii ja buot suopmelaččaide buori eallima.

Dahkat boahttevuođasge Suoma árvosaš daguid - ovttas.

  

BEARRAŠAT

 

Suomas galgá dahkat máilmmi mánnáustitleamoš riikka, gos ipmirdit iešguđetlágan bearrašiid dárbbuid. Guovddáža bearašpolitihkka sisttisdoallá buot njuorat- ja  stoahkanagi mánáid gitta áhkuide ja ádjáide.

 

Ruoktodikšu, mánáidgárdi ja iešguđetlágan dikšunhámit galget leat eakti molssaeavttut. Mii dárbbašit bearašfriddjaođastusaid, mat váldet vuhtii mánáid ja bearrašiid dárbbuid. Guovddáš bealušta boahttevuođasge ruoktodikšundoarjaga.

 

Mánnábearašgeafivuohta gáibida nana doaimmaid. Evttohit bajidit árvvoštallanvuloš mánnáoaju bearrašiidda, guđet gillájit ekonomalaš roasuin.

 

Rávesolbmo luohttámuš ja doarjja sáhttet rievdadit nuora eallima buoret guvlui go johtit su bálddas. Buot mánáin ja nuorain galgá leat vejolašvuohta aŋkke ovtta mielamiel ástoáiggebuđaldussii. 

 

Juohke eallilanolbmos galgá leat vuoigatvuohta árvvolaš boarisvuhtii. Háliidit sihkkarastit eallilanolbmuide buori divššu ja geahču. Min mielas dáhkáhusealáhagaid ferte ain bajidit eastin dihtii ealáhatgeafivuođa.

  

 

DÁLKKÁDAT

 

Dálkkádat ii vuordde. Dan ovdii galgá dahkat ain eanet ja johtileabbot.

 

Buorre dálkkádatpolitihkka ii vuođđuduva nubbi nuppi sivaheapmái, muhto čovdosiid ohcamii. Guovddáža ulbmilin lea čitnafriddja Suopma maŋimusta jagi 2045. Čitnanjieluid ferte šaddadit, golahandábiid galgá rievdadit ja ođđa teknologiija ferte ovddidit. 

 

Vuovddit mearkkašit midjiide suopmelaččaide ráfoma báikki ja lea máŋggalagan burebirgejumi gáldu. Dat buvttadit midjiide maiddái barggu ja áigáiboađu. Mii sáhttit lasihit bistevaš muorrageavaheami. Seammás sihkkarastit vuvddiid čitnanjieluid ja luonddu máŋggabealatvuođa.

Guovddáš lea Suoma álgoálgosaš ruoná álbmotlihkadus. Midjiide olmmoš ja luondu leat guoimmit - sohkabuolvvaid badjel.

  

 

OLLES SUOPMA

 

Guovllut šaddet iešguđetláganin, muhto dat eai oaččo šaddat eahpedásseárvosažžan. Olles Suomas galgá sáhttit ássat, bargat ja jođihit fidnodatdoaimma. Olbmuid vuođđobálvalusaid ja dorvvolašvuođa galgá dáhkidit ássanbáikkis fuolakeahttá. Govttolaš haddásaš ássan lea buohkaid vuoigatvuohta.

 

Buoremus guovlopolitihkka lea dat, ahte olbmuin lea bargu. Guovddáš háliida buoredit barggolašvuođa, barggu oažžuma ja fidnodatdoaimma eavttuid olles Suomas.

 

Gávpogat, čoahkkebáikkit ja dálonguovllut leat okta ja seamma Suopma. Olbmuid buresbirgejupmi ja riikkamet menestupmi šaddet guovlluid ovttasbarggu boađusin, iige vuostegežiid huksemis. Olbmot, dávvirat ja diehtu galget johtit olles Suomas. Geainnut, ruovdemáđiijat, fávllid ja girdišiljut galget dollot ortnegis. Govdafierpmihuksema galgá joatkit.

 

ČUVGEHUS

 

Čuvgehus mearkkaša jotkkolaš oahppama ja iežas ovddideami. Buohkain galgá leat vejolašvuohta dasa ássanbáikkis ja ráđiin fuolakeahttá. Suopmelaš skuvlla menestupmi galgá joatkašuvvat.

 

Vuosttaš skuvlaluohkáin galgá sihkkarastit, ahte buohkat ohppet vuođđodáidduid. Guovddáš háliida, ahte buot nuorat čađahit uhcimustá nuppi dási skuvlejumi. Dát lea buoremus geaidnu bargomárkaniidda. Mii háliidit ahte ámmátlaš skuvlejupmái bohtet duhát ođđa oahpaheaddji ja bagadalli doarjut bargosajiin oahppama.

 

Oahppan galgá leat rájáhis ja dáhpáhuvvat báikkis fuolakeahttá. Juohkehaš eanegottis galgá leat uhcimusat okta allaoahpahus.

 

 

RUOVTTUEATNAMA BORRAMUŠ

 

Guovddáš háliida, ahte mii borrat boahttevuođasge Suomas buvttaduvvon, máilmmi buhttáseamos borramuša. Geavaheaddjiin lea riekti diehtit, gos borramuš dállerkii boahtá.

 

Eanadoalli galgá oažžut albma bálkká iežas barggus. Eanadoalu joatkašuvvama Suomas galgá doarvvastit riikka ja EU mearrádusaid vehkiin.

 

Beaivemállása lassin juohkehaš skuvllas galgá fállat gaskabihtá beaivválaččat. Álmmolaš borramušskáhppomis hatti sajis galgá deattuhit maiddái kvalitehta ja ovddasvástádusa.

 

 

DORVVOLAŠVUOHTA

 

Dorvvolašvuohta šaddá vásáhusas, ahte eallin lea hálddus. Eretgahččama eastin lea buoremus dálkkas dorvvolasvuođa váilumii.

 

Guovddáš haliida, ahte poles, ambulánsa ja buollinbiila bohtet heahtedilis johtilit ássanbáikkis fuolakeahttá. Poles gullá juohke suohkanii. Dárbbašit lasi 650 polesa.

 

Guovddáža sisafárrenlinjás ovttastuvvet realisttalašvuohta ja olmmošvuohta. Suopma galgá veahkehit eanemusat heahtevuloš olbmuid maiddái  ráđđejuvvon riikii fárremiin. Juohkehaš guhte boahtá Supmii galgá čuovvut riikkamet lágaid ja servodatlaš prinsihpaid.

 

Guovddáš lea dahkan Suoma árvosaš daguid juo badjel 100 jagi. Mii leimmet huksemin riikka váttes sissoađi maŋŋá. Leimmet huksemin ođđa eallima vuođu ruovttu manahan eváhkkuolbmuide. Leimmet álggaheamin mánnáoajuid buot bearrašiidda ja huksemin dásseárvosaš vuođđoskuvlla ja viiddit universiteahttafierpmi. Dán válgabajis mii leat bidjan Suoma ekonomiija ortnegii. Sullii 140 000 olbmo leat ožžon barggu.

 

 

Riikabeaiválggat 14.4.2019

 

Ovdajienasteapmi ruoktoriikkas ja ruoktojienasteapmi 3. – 9.4.2019

Ovdajienasteapmi olgoriikkas 3. – 6.4.2019

 

Oahpásmuva Guovddáža evttohasaide ja válgaprográmmii:

 

www.keskusta.fi/Eduskuntavaalit-2019

 

Jienastemiin sáhtát váikkuhit dasa, makkár Suoma árvosaš dagut dahkkojit boahttevuođas.

 

Gávnnat min sosiálamedias namain Suomen Keskusta, Suoma Guovddáš.